Универзитетот Гоце Делчев е основан во 2007 година и обединува 12 факултети и 3 академии, организирани во четири студентски кампуси. Мисијата на УГД е создавање и пренесување знаења за обезбедување социјална и економска благосостојба и напредок на општеството, подготвување на студентите за професии во кои се применуваат научни откритија и стручни знаења, културна и јазична различност, унапредување на технолошкиот развој, развој на уметноста, техничка култура и спорт. Промовирање и развивање на научни дисциплини присутни во студиските програми, во согласност со барањата на регионот и државата. Зачувување и градење на достоинството на професијата, развивање и промовирање на моралните вредности во академската заедница, промовирање на знаењето како вредност и чувство на одговорност на Универзитетот како институција на највисоките човечки вредности.
Земјоделскиот факултет при УГД е посветен на високообразовни и истражувачки активности од областа на заштитата на растенијата, земјоделството, биотехнологијата, безбедноста на храната, селекцијата и генетиката, хортикултурата, како и лозарството и винарството.
Лабораторијата Унилаб како дел од Земјоделскиот факултет врши агрохемиски анализи на почвата и дава соодветни препораки за ѓубрење и исхрана на растенијата; испитување на присуство на макро и микро елементи, тешки метали и елементи во трагови во примероци од животната средина: води, почви, седименти, геолошки примероци и отпад. Лабораторијата ја контролира безбедноста и квалитетот на достапните производи преку утврдување на повеќеелементна анализа на храна и додатоци во исхраната, пијалоци, растителен материјал и екстракти, како и суспензии и концентрати на активни супстанции и ексципиенси во фармацевтските производи. Лабораторијата ја одредува застапеноста на хранливите материи во вештачките ѓубрива; анализа на квалитетот на семенскиот и садниот материјал, утврдување и идентификација на присуство на болести и штетници кај растенијата и складираните земјоделски производи.
MK 
EN 
EL